dlancang
ᮠᮤᮏᮤ ᮌᮙ᮪ᮘᮁ ᮘᮥᮠᮚ ᮏᮩᮀ ᮕᮩᮎᮀ ᮔᮥ ᮓᮤᮘ᮪ᮒᮥᮔ᮪ ᮊᮥ ᮃᮘ᮪ᮓᮤ ᮒᮤ ᮌᮧᮌᮨᮜ᮪.
ᮞᮊᮓᮀ ᮘᮥᮠᮚ ᮊᮩᮁ ᮙᮧᮚᮔ᮪ ᮓᮤ ᮞᮤᮞᮤ ᮝᮜᮥᮀᮍᮔ᮪. ᮏᮧᮜ᮪ ᮞᮊᮓᮀ ᮕᮩᮎᮀ.
“ᮛᮦᮊ᮪ ᮔᮇᮔ᮪ ᮞᮊᮓᮀ ᮕᮩᮎᮀ ᮊ ᮓᮤᮉ? ᮛᮦᮊ᮪ ᮙᮜᮤᮀ ᮎᮄ, ᮑ? ᮓᮤ ᮜᮩᮝᮩᮀ ᮉᮝᮩᮂ ᮎᮄ. ᮓ ᮠᮜᮧᮓᮧ ᮕᮤᮞᮔ᮪.”
ᮏᮝᮘ᮪ ᮕᮩᮎᮀ, “ᮊᮥᮛᮤᮀ ᮙᮂ ᮒᮛ ᮍᮤᮔᮥᮙ᮪ ᮓᮩᮄ ᮎᮄ ᮝᮜᮥᮀᮍᮔ᮪. ᮊᮧᮙᮧ ᮃᮚᮩᮔ ᮊᮩᮁ ᮞᮃᮒ᮪. ᮑ ᮒᮩ ᮍᮩᮔᮂ ᮑ ᮊᮤᮛᮥᮂ. ᮃᮚᮩᮔ ᮙᮠᮂ ᮍᮤᮔᮥᮙ᮪ ᮒᮦᮂ ᮎᮄ ᮊᮜᮕ. ᮑ ᮘᮨᮛᮨᮞᮤᮂ ᮑ ᮍᮩᮔᮂ. ᮃᮙᮤᮞ᮪.”
“ᮛᮦᮊ᮪ ᮔᮇᮔ᮪ ᮃᮒᮥᮂ ᮊᮓᮤᮉ?” ᮎᮦᮊ᮪ ᮘᮥᮠᮚ.
ᮇᮙᮧᮀ ᮕᮩᮎᮀ, “ᮒᮓᮤᮔ ᮙᮂ ᮛᮦᮊ᮪ ᮍᮜᮜᮏᮧᮃᮔ᮪ ᮊᮥᮜᮤᮒ᮪ ᮞᮙ᮪ᮕᮨᮃᮔ᮪. ᮛᮨᮞᮨᮕ ᮒᮤᮀ ᮌᮛᮨᮛᮨᮒ᮪, ᮠᮦᮛᮀ. ᮊᮧᮙᮧ ᮙᮥᮔ᮪ ᮊᮒᮧᮏᮧ ᮊᮥ ᮕᮔᮧᮔ᮪ᮕᮧᮈ. ᮉᮝᮩᮂ ᮘᮈ ᮔᮥ ᮊᮥᮜᮤᮒ᮪ᮔ ᮃᮜᮥᮞ᮪ ᮞᮕᮨᮁᮒᮤ ᮊᮥᮜᮤᮒ᮪ ᮞᮙ᮪ᮕᮨᮃᮔ᮪. ᮍᮔ᮪ ᮌᮩᮔᮤᮀ ᮘᮨᮒ᮪ ᮊᮧᮒᮧᮁ. ᮕᮤᮔᮥᮂ ᮊᮥ ᮜᮩᮒᮊ᮪.”
ᮇᮙᮧᮀ ᮘᮥᮠᮚ, “ᮝᮜᮥᮀᮍᮔ᮪ ᮞᮃᮒ᮪. ᮊᮥᮛᮤᮀ ᮒᮩ ᮘᮤᮞ ᮒᮩᮒᮩᮜᮩᮙ᮪ᮙᮔ᮪ ᮕᮤᮊᮩᮔ᮪ ᮙᮨᮛᮨᮞᮤᮂᮠᮔ᮪ ᮒᮧᮀᮌᮧᮀ.”
“ᮈᮂ, ᮜᮦᮘᮁ. ᮊᮥᮜᮤᮒ᮪ ᮞᮃᮜᮥᮞ᮪-ᮃᮜᮥᮞ᮪ ᮏᮓᮤ ᮊᮧᮒᮧᮁ. ᮊᮥᮙᮠ ᮙᮥᮔ᮪ ᮓᮤᮘᮨᮛᮨᮞᮤᮠᮔ᮪ ᮊᮥ ᮊᮥᮛᮤᮀ,” ᮎᮩᮊ᮪ ᮕᮩᮎᮀ.
“ᮑ ᮞᮥᮊᮥᮁ ᮘᮈ ᮃᮛᮤ ᮓᮈᮊ᮪ ᮙᮂ,” ᮏᮝᮘ᮪ ᮘᮥᮠᮚ᮪, “ᮊᮥᮙᮠ ᮎᮛᮔ?” ᮎᮩᮊ᮪ ᮘᮥᮠᮚ ᮊᮦᮔᮦᮠ.
“ᮊᮥᮜᮤᮒ᮪ ᮒᮧᮀᮌᮧᮀ ᮞᮙ᮪ᮕᮦᮃᮔ᮪ ᮓᮤᮊᮥᮙ᮪ᮘᮂ ᮊᮥ ᮊᮥᮛᮤᮀ. ᮒᮕᮤ ᮎᮄᮔ ᮊᮥᮓᮥ ᮃᮔᮥ ᮘᮨᮛᮨᮞᮤᮂ. ᮒᮥᮂ ᮓᮤ ᮒᮨᮍᮂ!” ᮎᮩᮊ᮪ ᮕᮨᮎᮀ.
“ᮕᮦᮊ᮪ ᮃᮒᮥᮂ. ᮌᮩᮛ ᮜᮥᮔ᮪ᮎᮒ᮪ ᮊᮔ ᮒᮧᮀᮌᮧᮀ ᮊᮅᮜ,” ᮎᮩᮊ᮪ ᮘᮥᮠᮚ.
ᮏᮣᮦᮀ ᮕᮩᮎᮀ ᮜᮥᮔ᮪ᮎᮒ᮪ ᮊᮔ ᮒᮧᮀᮌᮧᮀ ᮘᮥᮠᮚ.
ᮘᮥᮠᮚ ᮍᮧᮏᮚ᮪ ᮊ ᮒᮨᮍᮂ ᮝᮜᮥᮀᮍᮔ᮪.
ᮎᮣᮧᮙ᮪ ᮞᮊᮓᮀ ᮕᮩᮎᮀ ᮍᮔ᮪ᮎᮣᮧᮙ᮪ᮊᮩᮔ᮪ ᮞᮥᮊᮥᮔ ᮊᮔ ᮎᮄ. ᮒᮧᮀᮌᮧᮀ ᮘᮥᮠᮚ ᮓᮤᮎᮊᮁᮛᮔ᮪ ᮊᮥ ᮕᮩᮎᮀ. ᮞᮨᮜᮀ-ᮞᮨᮜᮀ ᮒᮤᮔ ᮎᮎᮊᮁ ᮞᮊᮓᮀ ᮕᮩᮎᮀ ᮒᮦᮂ ᮛᮨᮌᮧᮒ᮪-ᮛᮨᮌᮧᮒ᮪ ᮍᮤᮔᮥᮙ᮪.
ᮞᮉᮀᮌᮩᮞ᮪ ᮛᮓ ᮜᮤᮜ ᮑᮊᮛᮔᮔ, ᮏᮩᮀ ᮌᮩᮞ᮪ ᮞᮩᮘᮩᮠᮩᮔ᮪ ᮍᮤᮔᮥᮙ᮪ᮔ, ᮕᮩᮎᮀ ᮍᮧᮙᮧᮀ, “ᮒᮂ, ᮌᮩᮞ᮪ ᮘᮨᮛᮨᮞᮤᮂ ᮃᮚᮩᮔ ᮙᮂ. ᮚ ᮊ ᮞᮤᮞᮤ ᮓᮩᮄ. ᮄᮞᮥᮊ᮪ᮊᮔ᮪ ᮊᮥᮛᮤᮀ ᮊ ᮓᮤᮉ ᮓᮩᮄ. ᮊᮥᮓᮥ ᮅᮀᮌᮜ᮪ ᮕᮧᮈ ᮓᮤᮘᮨᮛᮨᮞᮤᮂᮠᮔ᮪ᮔᮔ ᮊᮥᮜᮤᮒ᮪ ᮞᮙ᮪ᮕᮦᮃᮔ᮪ ᮒᮦᮠᮂ. ᮅᮜᮂ ᮞᮤᮔ ᮊᮧᮒᮧᮁ. ᮜᮦᮘᮁ ᮊᮥ ᮃᮜᮥᮞ᮪ᮔ.”
“ᮠᮩᮌ᮪ ᮃᮛᮤ ᮓᮈᮊ᮪ ᮙᮠᮂ. ᮄᮞᮥᮊ᮪ ᮊ ᮓᮤᮉ ᮓᮩᮄ. ᮓᮤᮒᮥᮀᮌᮥᮃ᮪ ᮓᮤ ᮓᮤᮉ,” ᮎᮩᮊ᮪ ᮘᮥᮠᮚ ᮒᮦᮂ. ᮞᮉᮀᮌᮩᮞ᮪ ᮔᮨᮕᮤ ᮊ ᮞᮤᮞᮤ, ᮌᮏᮣᮨᮀ ᮕᮩᮎᮀ ᮜᮥᮔ᮪ᮎᮒ᮪ ᮊ ᮓᮛᮒ᮪. ᮘᮛᮤ ᮍᮧᮙᮧᮀ ᮓᮤᮔ ᮠᮒᮦᮔ. “ᮔᮥᮠᮥᮔ᮪ ᮞᮊᮓᮀ ᮘᮥᮠᮚ. ᮞᮙ᮪ᮕᮦᮃᮔ᮪ ᮘᮧᮓᮧ. ᮙᮥᮔ᮪ ᮒᮩ ᮘᮧᮓᮧ ᮙᮂ. ᮊᮥᮛᮤᮀ ᮙᮧᮃᮜ᮪ ᮞᮩᮘᮩᮂ ᮍᮤᮔᮥᮙ᮪. ᮓᮈᮊ᮪-ᮓᮈᮊ᮪ ᮕᮈᮊ᮪ ᮕᮈᮂ ᮊᮥ ᮠᮜᮠᮘ᮪.”
ᮞᮥᮙ᮪ᮘᮨᮁ: ᮞᮔᮥᮞᮤ, ᮃ., ᮱᮹᮹᮴, ᮔᮔᮤ ᮛᮨᮞᮨᮕ᮪ ᮙᮎ ᮳, ᮘᮔ᮪ᮓᮥᮀ: ᮚᮚᮞᮔ᮪ ᮞᮤᮌᮨᮁ ᮒᮨᮍᮂ
